Psa 44 | VulgJ | STEP | in finem pro his qui commutabuntur filiis Core ad intellectum canticum pro dilecto victori pro liliis filiorum Core eruditionis canticum amantissimi

Psalms 44

1 in finem pro his qui commutabuntur filiis Core ad intellectum canticum pro dilecto ^va 2 eructavit cor meum verbum bonum dico ego opera mea regi lingua mea calamus scribae velociter scribentis ^va 3 speciosus forma prae filiis hominum diffusa est gratia in labiis tuis propterea benedixit te Deus in aeternum ^va 4 accingere gladio tuo super femur tuum potentissime ^va 5 specie tua et pulchritudine tua et intende prospere procede et regna propter veritatem et mansuetudinem et iustitiam et deducet te mirabiliter dextera tua ^va 6 sagittae tuae acutae populi sub te cadent in corde inimicorum regis ^va 7 sedis tua Deus in saeculum saeculi virga directionis virga regni tui ^va 8 dilexisti iustitiam et odisti iniquitatem propterea unxit te Deus Deus tuus oleo laetitiae prae consortibus tuis ^va 9 murra et gutta et cassia a vestimentis tuis a domibus eburneis ex quibus delectaverunt te ^va 10 filiae regum in honore tuo adstetit regina a dextris tuis in vestitu deaurato circumdata varietate ^va 11 audi filia et vide et inclina aurem tuam et obliviscere populum tuum et domum patris tui ^va 12 et concupiscet rex decorem tuum quoniam ipse est dominus tuus et adorabunt eum ^va 13 *et; filiae Tyri in muneribus vultum tuum deprecabuntur divites plebis ^va 14 omnis gloria eius filiae regis ab intus in fimbriis aureis ^va 15 circumamicta varietatibus adducentur regi virgines post eam proximae eius adferentur tibi ^va 16 adferentur in laetitia et exultatione adducentur in templum regis ^va 17 pro patribus tuis nati sunt tibi filii constitues eos principes super omnem terram ^va 18 memor ero nominis tui in omni generatione et generatione propterea populi confitebuntur tibi in aeternum et in saeculum saeculi

^va